福山雅治《More》2005 May Interview

《MORE》May 2005
翻譯 : Ivy

MORE – M
福山 – F

F ﹕要正視現在的自己要需要很大的勇氣,而且很尷尬呢!從事這行十五年,但仍然一0的綽綽有餘0既感覺都冇。相反,可能抱住盡力做到幾多的態度,所以更加沒有空餘的感覺。無論是從事邊種行業,總有些人是為了感受活著的感覺及追求夢想,經常攪到自己很忙很充實,而我就正是這種人,一直追求更好的自己

M ﹕背後的推動力是甚麼呢?
F ﹕憂慮症吧!好似如今,成日擔心Tour期間會有很多東西趕不上Deadline,又覺得銀行係唔可靠0既!成日都擔心呢樣擔心0個樣,攪到自己好不安。

M ﹕最近有樣東西困擾著福山就係孤獨感,對於生活0向0咁熱鬧0既圈子0既你來說,真是不可思議呢!
F ﹕當初從事呢行時,經常感到很快樂很享受,但現在0向感受到幸福0既同時,心境變得複雜了,或者從事表演創作0既人都會越來越孤獨,因為旁人只會懂得用你創作/ 表演出來的東西去理解你。用本間先生做例子吧!(今次訪問0既攝影師)其他人會用你0既攝影作品去了解本間是怎樣的人,因為相片已等如本間本人。從事這種行業越耐,旁人更加會用你的Output去了解你呢個人,因此自己變得更加在意,擔心這個Output是否完美。
就我來說,別人聽到我的作品,可能會覺得「這首歌頗不俗啊」,但自己依然會覺得「呢個音有點不好」、「Timing好像又有點甚麼」等等,小心眼程度簡直好似連腳毛0既生長情況都在意0埋!即使咁樣講其他人都可能唔明,只可透過自己0既作品去令別人明白,過程中會逐漸更加覺得別人不了解自己。以前聽過很多關於外國音樂人0既傳聞,例如他們會要求把酒店0既房間牆壁塗哂粉紅色等等,當時覺得他們係傻瓜,但最近開始理解他們0既心態,雖然自己唔會好似佢0地咁樣做 ,不過會把健身啞鈴帶到錄音室同化粧間罷了。

M ﹕即使0向Live中有咁多Fans歡呼支持都感到孤獨嗎?
F ﹕ 事實上,在台上是唯一令我感到充實的時候,亦是令我感到最安穩0既地方。慘了!這樣說起來好像個怪人般,恐怕遲0的連食飯都要搬上台才可以。

M ﹕近年自己發現一樣重要0既東西,就係自己原來真的很喜歡工作吧!
F ﹕唔,完全沒有想過休息放假0既念頭,因為工作得太開心了,即使休息時都會想著工作的事。

M ﹕同時間人際關係並因此有些變化,變得與不能享受工作0既人疏遠起來。
F ﹕覺得同0的只為生活搵食而工作0既人很難溝通,不是說他們不行或討厭他們,只係覺得他們每當工作時都會覺得很辛苦,又覺得公司很麻煩,而自己就完全冇呢種感覺,只會想「今天又工作,真開心」。同不享受工作0既人飲酒,他們只會不斷吐苦水,而我係飲酒時不會吐苦水0既人,有咩不滿都會0向清醒時作出申訢,要求賠償!我比較喜歡同正面樂觀0既人相處。

M ﹕一直很珍惜與長崎好友的關係0既福山,最近發現同他們的距離好像增加了。
F ﹕大家年紀越大,很多時都要被迫放棄很多東西,在鄉下生活0既選擇很少,除非遇到劇烈0既變化或中0左獎金,否則只係一直重覆每日過0既生活,所以只好放棄追求的夢想。有長崎朋友說「有0的目標想起來都知道無可能實現,所以為免唔開心,所以就連想也不去想」。對於鄉下生活0既人來說,「放棄」就係向前0既生活方式。
不過,做一個成年0既男人真係很困難,因為有過去0既經驗累積,很難轉變前進0既方向,自己都有相同0既感覺,所以很明白,很難好像女性般成日抱住要做一個全新0既自己0既態度生活,就呢點來說,女性真係厲害,不論生活在咩地方或年紀,經常都可以從頭開始新生活。就好像我的母親咁,最近就取了甚麼的設計專業資格,可以授課教人,已經快將60歲了,還可以開始全新0既經驗。
從一些女性雜誌中不是很容易明白這點嗎?女性雜誌從來不會寫過去一年0既事,只會寫0黎0緊這個春天要點,夏天又要點,抱住向前0既態度,女性真係令人佩服!

M ﹕福山說過自己不怕年紀越來越大,只怕年紀變得越大,個人會變得越固執。你認為要作為一個出色0既男人,其中一項條件就係要口才好,似乎你都越來越好口才呢!
F ﹕男人年紀越大,口才越重要,年紀越大,會出現兩類人,一種係變得越多0野講、一種係變得不願說話。但事實上不說話是不好的,因為平日不說話的人飲醉酒就變得多說話,仲要講0既都係怨言、苦水,最要不得!
事實上,在社會上工作能幹0既人全部口才都很好的,他們的實力有八成是口才,其餘兩成是技術0既知識/ 技巧,0向開會傾合約時,最重要都係爭取到主動權。不過女性有0的不同,就好似MORE既讀者大部份都是20多歲0既女性,這個是女性最好0既時候,可以任意爭取別人0既喜愛,不過我很怕這些有恃無恐0既女仔,有0的人覺得即使她們說了些失禮0既說話都可以原諒,但我絕對不會原諒這些行為!因為她們太不憧禮貌了!

M ﹕作為最後單身Big Artist,福山0既一舉一動都受到注目,你一定係受女人歡迎吧!
F ﹕ 不是,真的,完全不是!一0的約會機會都冇

M ﹕你係個認為煮飯、掃除係女性0背既工作0既九州男兒吧!
F ﹕ 因為工作太忙亦太開心了,所以我會繼續努力工作賺錢,家務就要留俾女性了

M ﹕仍然有感情煩惱嗎?
F ﹕戀愛狀況日新月異!呢一兩年察覺到一樣東西,就係女性選擇男友時真係好認真小心。最近,經理人公司送0左好多女性雜誌俾我睇,發現女性會為了追求的生活目標而挑選有相應條件0既男性,同男性0既擇偶情況完全唔同,果然女性係有佢犀利0既一著。我同普遍男性一樣,依然係渴望0的令人心動又帶0的妄想0既戀愛。例如,當男性發現自己喜歡0既對象,原來家境好貧困,背景又複雜,但我0地唔會咁放棄同她交往,反而會覺得我既然鍾意佢,佢0既欠債就由我來揹起吧!
一旦喜歡上對方,就會肯定哂她的一切,無論如何都不會否定她任何一點,因此即使對方有無數缺點,但都會對自己說她既是令我傾倒0既女性,她的一切都不會有錯。結果,從來都不會在戀愛的失敗經驗中學習,不斷一錯再錯。
最近見到0的女性經常憧憬同0的有地位或從事I T 0既高層結婚,就深深感受到男同女0既不同。不過當然仍有0的單純渴望戀愛0既女性存在。最近同不同0既女性傾談過,發現女性不是同喜歡0既人一齊,而係因為同那個人一齊所以喜歡上他,這個道理很深奧吧!要記低清楚0的啊!
最終,她們選擇0既對象就係一個可以陪在她身邊0既男人,呢個係大家共同0既意見,所以我咪唔受女性歡迎囉!因為我太享受工作了,可以同對方一齊0既時間變得太少,對女性來說,最重要0既東西係對方能夠陪0向自己身邊,0向自己想見他0既時候,他會穿上白色立恤衫,在大雨中奔跑過來見自己,其實如果我沒有工作在身,我都一早奔跑上前啦!

M ﹕很多人談論過戀愛中0既男女0既不同,女性一旦戀愛就會終日想著對方,但男性很多時一工作就會忽略甚至忘記自己0既女朋友,於是女朋友就會成日追問個男仔「究竟我定工作重要0的?」咁福山有冇遇過咁0既情況?
F ﹕最近聽一個男性朋友說他認識一個男仔,那個男仔每當戀愛時就不能專心工作,聽到之後我簡直不能相信,因為我本身認為工作時候就應該不要想著女朋友,估不到竟然有他那種人存在,嚇了一跳。
(在場全部女性工作人員聽到福山一席話即刻起哄喝倒采,大話他太殘忍,他的女朋友太寂寞了!)
F ﹕0下!?我咁諗好奇怪咩?不是那種男人才太糟糕嗎?用本間先生做例子吧!呀!對不起,又用本間你做例子,假設本間現在戀愛中,今日0黎影相但又成日掛住女朋友會打電話0黎,影影0下相又要停0向度Check0下SMS,咁樣不是才討厭嗎?我都係普通人,戀愛時都會感到幸福,開始時都會為對方而忐忑不安,不過只限初期。慘了!講0左以上那番話肯定會惹來MORE讀者討厭,人氣一定大滑!其實剛才我講0既全部係假0架!我係個終日諗住心上人而過活0既人0黎0架!希望0的MORE年輕女讀者幫我宣傳一0下啦!

M ﹕福山說話總是帶給人歡樂,即使同喜歡0既人一齊都係咁多0野講嗎?
F ﹕唔,冇錯,講過不停,所以對方只需就咁「啊!是嗎?是這樣嗎?」回應同聽過說話就可以了

M ﹕福山一向興趣廣泛,聽聞攝影技術達到職業水準,平日會為女朋友拍照嗎?
F ﹕ 其實平日我不常影相,只會有興致0既時候先會影,對我來說,興致是最重要的。譬如0向家裏開0左個窗,出面透來0的光,見到窗外有個很大的晴朗天空,個畫面好靚,但我唔會有個份興致去拍低呢個畫面,因為呢個只係平日生活0既空間,沒有新0既感動或刺激,所以亦沒有興致去影,但每當去旅行時,都會有份新0既感動去驅使我拍照。
最近因為工作去0左邁阿密,呢次係我第一次去呢個地方,0個度混合0左古巴、牙買加同歐洲各種地方0既人,有很好0既文化交流。0個度仲有個島叫Star Island,島如其名,住0左好多大明星,自己心想當我做0左大明星我都要0向度住0下。
我最喜歡0既居住環境係同時有城市同大自然0既氣息,在兩種氣息中走0黎走去,0向大自然中曬0下陽光,到0下海邊逛0下俾到我好大0既靈感,在都市環境中能夠給予我靈感0既事物逐漸減少,雖然我都喜歡都市中流行0既東西,但係大城市始終係個著重消費文化0既社會,而我自己又唔係0個種喜歡買名牌追求那種優越感0既人。

M ﹕咁對福山你來說最重要係咩呢?
F ﹕健康吧!沒有健康就不能向著目標邁進,頭腦亦變得不清晰,所以我好注重健康,最近呢年連酒都飲少0左,幾乎每日放工就即刻返屋企,最近0既約會就係同自己心中流行0既東西 – 草本茶(Herb Tea)

2 responses to “福山雅治《More》2005 May Interview

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s